台北人 (已結業)

今日去咗朋友住喺黄埔嘅屋企作客，行过楼下见到呢一间台北人，即刻挑起我想食台式便当嘅意欲！餐厅主要做外卖，菜单都几多选择，便当嘅价钱经济又实惠。今日叫咗一份台式卤肉便当，五花腩肉好入味又够厚身，而且米饭都加入咗少少卤肉汁，好鬼香🤩加上咖喱粉丝，一个便当嘅份量都好饱肚。另外亦都加配左一份盐酥鸡作为小食，盐酥鸡嘅调味适中，份量亦都唔少，咬落去仲有少少鸡汁爆出。饮品方面叫咗蜂蜜柠檬芦荟，感觉都清新一啲，饮落去同预计嘅差唔多味道，清清甜甜，加入咗芦荟令整杯饮品多咗一份咬口！餐厅里面亦都有其他台湾嘅食品售卖，有兴趣都可以购买㗎！