老鍋台式火鍋 (金馬倫道) (已結業)

下个礼拜终于会跌穿20度喇，有返少少踏入冬季嘅感觉🌬 依个情况下，就当然系时候介绍大家去打下边炉啦！依间台式火锅店系铜锣湾同尖沙咀都有，今次就去左尖咀分店~ 店内装潢以黑桃木作主调，充满中式古代风。坐位间格几好，四个人去就坐得最舒服😬 锅底就主打麻辣，酸菜白肉，胶原蛋白美人锅同药膳养身锅。钟意食辣嘅朋友仔就一定要试麻辣喇~-老锅秘制麻辣锅($158) 未放火锅食材个锅就已经有好多配料。汤底味道非常浓厚札实，因为除左香料味(例如花椒，八角，辣椒干) ，仲会放入药材。令整个味道辣得嚟唔会太单一。麻味就唔会好重，餐厅建议要重麻嘅话就最好order大辣🌶 锅底仲会附送埋鸭血同冻豆腐，认真足料！*老锅丸饺井字盘 “蛋饺+墨鱼丸” ($98) 井字嘅摆法真系几特别，蛋饺嘅皮好薄身，但又唔会话好易烂。墨鱼丸就然落雪白，咬落弹牙几新鲜~🤗*台湾蒜香肠($48) 叫返少少台式小食，太挂住台湾夜市食到嘅香肠喇~ 啱啱煎起够哂热，入口几重蒜味🧄，而且阵阵油香。*千张豆叶纸($48) 真系一张纸咁薄，带淡淡嘅豆味，放汤滚一阵就食得，挂汤能力💯！*老锅台湾面($58) 分开绿茶同当归味。见到可以放锅食又或冷食。