吃什麼 (已結業)

间餐厅个名真系好特别，朋友提议佢，每一次我都以为佢问多我一次吃甚么。我地平日中午去食晏，有lunch menu。如果系平日去，中午12点前会多位好多，一过左12点就劲多人。同埋要人齐先可以入座，所以一个人早啲去排队先都无乜用。因为见到隔离枱点炸鸡排卤肉饭，都几大份。如果以中环区黎讲，60-70蚊有咁多野包野饮都算几抵。先讲个饭，卤肉都几多，不过我会钟意甜少少，啲卤汁又唔算咸又唔甜，我觉得有少少淡，但胜在份量多，同埋加左葱，食落唔肥腻。个鸡排炸得好好，唔油，炸皮好薄，肉都几嫩滑。但如果可以重味啲就好啦，我感觉自己食紧健康鸡排，我点鸡排就系为左唔健康🤗食左9个字左右，一放下箸，店员就叫我地空张枱出黎啦，好彩我地都准备走🤣不过出去比钱既时候，收银既店员就好礼貌咁同我地讲：不好意思啊，希望照顾出面排紧队既客人，比佢地唔使晒咁耐。都明白既。其实算系有人情味。如果系想好好地长时间倾下计，可能呢度唔适合，但想食个快饭，咁呢度就好ok la。