古早台居

营业中

休息中

过去年几上得大陆食嘢多，都有啲闷闷哋，加上今个星期六天气好唔稳定，就不如留港消费。打算同老婆买啲日用品同睇戏，就近近地就去九龙湾行下。去德福行咗电器舖，啲价钱mark得几贵，睇下算喇，去咗无印买咗啲日用品同夏季衫，行到有啲肚饿，咁啱楼上有好多食肆，趁套戏未开埸，一于去美食广场揾嘢食。见间台湾嘢都有啲人排队，我都行埋去八卦下，见人攞走嘅嘢食都几靓，有食欲😋，自由就买咗份盐酥鸡卤肉饭加杯半价嘅紫薯鲜奶，帮老婆嗌咗个卤水鸡髀肉燥饭同黑糖珍珠奶茶。起餐算快，见我前面都有十个八个人等，都唔晒十分钟我都有得攞㖞！肉燥真系好香，似足台北间出名嘅黑金卤肉饭店，口感丰富，齿颊留香。盐酥鸡好脆，入边都有好香嘅肉汁，好食😋。老婆个鸡髀肉燥饭都好正，卤得好入味，鸡髀好滑，size都几大只，坻食👍两杯饮品都大大杯，味道正常。四十分钟食晒清底唔一定上深圳先有平靓正嘅好嘢食，香港都揾到嘅