吃茶三千 (MOKO新世紀廣場)

营业中

休息中

今日同同事食完烧肉，行经呢间吃茶三千，拣2杯饮路解下腻。吃茶三千靓茶底系用萃茶机现萃茶叶，即场用机冲制，所以都几吸引。试左佢嘅新口味，店员话材料都系早2日先系台湾补完货，够晒正宗。试左一款期间限定葡萄柚口味嘅凤芒柚粒厚奶，糖度固定，但饮落都唔会太甜，系鲜果嘅甜，所以绝对可接受。而家凤梨同芒果又好香加上柚子粒，有d咬口，酸甜解渴，好啱夏天！每日限量150杯！另外，拣左杯自选茶，玉露青茶配百香鲜果加纤玉果子。除左有淡淡嘅茶香，仲有百香果嘅清新酸甜，加埋粒粒纤玉果子，QQ咬口，弹牙，口感同味道都好丰富。同埋都赞下佢地饮品个麻绳杯套，怀旧又有文艺风！