台灣ET鹽水雞 (符興街) (已結業)

因疫症关系，无得去旅行，好挂住台湾美食，咁岩系上水见到一间咸水鸡，呢间之前都帮衬葵芳广场，记得几好食，今次见佢系上水开左分店当然帮衬一下，今晚可以加𩠌，佢都有分A-D套餐，我哋叫左D餐，辣度都有分，唔食得辣既朋友仔都唔洗担心，可以选择唔辣，D餐份量会比较多，半只鸡加6个配菜，见到配菜选择都比较多，样样都好想食，最终系选择左蟹柳，米血糕，皮蛋，猪耳，鱼蛋，麻吉烧！半只鸡份量都好大份，一个食物盒都系满晒，我选择左BB辣，但系我觉得完全无辣度，下次食可以再叫小辣或中辣，个酱汁味道差少少，其他配菜都好新鲜。我自己比较钟意鱼蛋同米血糕食落好烟韧，而猪耳好爽口！另外加$10 配珍珠米/ 面，不过叫左半只鸡要加6个配菜，两个人食到好饱，今次无加到，下次可以多人啲再加黎试下！