泰好味 (已結業)

本身谂住去街市食素，不过下午2点都差唔多收晒，又行到热辣辣见到有间泰国野有冷气好似坐得几舒服咁，就入去医肚啦！价钱唔贵，lunch都有十几款拣，大概$35左右包饮品，有炒饭有卤猪髀肉饭湿炒河等等，我地叫左冬阴功汤河 & 泰式炒金边粉 (phad thai)，估唔到咁好食超级正宗！首先个冬阴功好浓，香料味好重好香，个碗你会见到好多香茅柠檬叶等等，唔系一般既汤底佢直头系冬阴功汤！平时汤底会淡味左/好人工味，呢碗系用心用料去煮，又大碗又有虾，唔算好辣食少辣既人都食到！另外phad thai都系好好食！正宗过某啲高级泰国餐厅好多！好大碟，用鸡丝炒，金边粉口感啱啱好。虽然无青柠&葱伴碟，不过本身应该有落糖，唔使加任何野已经好好味，而家谂起都想再食😋无谂过平过茶餐厅价钱但食到正宗味道！会唔会太抵食！感觉好似置身泰国🙈服务好亲切，应该系一对泰国夫妇做，开全日，下午3:30-6:00pm系休息时间，座位唔算多，可能小规模，无特式饮品（即系龙眼冰三色冰果啲），但有新鲜椰青，lunch都系加+$15，好抵饮。