鋒味屋 (已結業)

平日食热气野多，下午茶通常钟意食公仔面，又比屋企人话冇益、多味精，想揾啲健康啲嘅嘢去食，锋味屋嘅嘢食标榜冇味精，包括石磨肠粉同埋麻辣烫等等，似乎想清清地食石磨肠粉系唔错选择。最正常我谂都系食叉烧肠粉，点知原来叉烧肠粉仲有好多嘢可以加，从中拣咗好健康嘅生菜同埋冬菇，做到出嚟见到好多𩠌，叉烧超大粒，完全颠覆正常叉烧肠嘅概念，冬菇好滑，个豉油比较偏淡， 正好我想食清淡所以觉得几好，店员话豉油偏淡更健康，如果钟意食比较咸嘅朋友可能会觉得打折扣。缤纷乐石磨肠粉一睇觉得好特别（奇怪），肠粉系咸嘅，又点可以加缤纷乐呢？咁如果肠粉系甜嘅又点叫做肠粉？做出嚟嘅卖相确实令人好开心，原来唔使加豉油，系加朱古力酱，大胆咁样咬落去，外软内脆，最里面又软，口感好丰富，味道出奇地好食，出奇地夹。系好好嘅饭后甜品第一次饮到有少少豆渣嘅豆浆，感觉好有营养店员全程都好有礼貌咁讲解，佢哋肠粉有几十款，下次会带屋企人过嚟试吓其他，比佢哋一啲惊喜。