新巴蜀風 (已結業)

去完四川旅行返嚟好耐都未试过再食四川菜啦，原来食辣真系会食上隐，而咁岩知道有位朋友又想食辣，结果就揾咗呢间新巴蜀风食。 酸萝卜前菜：萝卜清甜带丁点酸味，食完之后可以帮助醒胃。 夫妻肺片：一道以牛肚、牛舌、牛展的凉拌川菜，材料先卤后煮再加入红油、花椒等等拌食。而牛展卤得非常入面，牛肚就非常爽口弹牙，而酱料嘅份量亦刚刚好唔会抢走食材本来的肉味。 四川回锅肉：系四川其中一个好钟意食嘅家常菜。以五花腩、大葱、四川酱料油爆而成，而正正因为油爆关系，五花腩肥而不腻，而且食果阵非常滑溜惹味，而我觉得佢嘅大葱煮得亦非常出色，送饭一流。 辣子鸡：上到枱非常大碟，钟意食辣嘅朋友一定钟意，而佢嘅辣子鸡非常惹味，而且辣椒非常香鸡肉够滑，送啤酒真系一流。