影片
更多
2019-09-11
374 浏览
话说呢排系泰国返黎，但我同男朋友仲系对泰国既美食依依不舍。唯有今晚晚饭时间揾一间就近既泰国菜餐厅食下。经过上网一番搜寻，发现东涌就有一间唔错既泰国菜餐厅，佢就系My Thai Bar啦！My Thai Bar呢间餐厅既位置易揾，黎到东涌海堤湾畔，一眼就可以见到，餐厅招牌都较显眼。入到呢间餐厅入面，餐厅环境都十分舒适，装潢非常有泰式风味同特色，特别系天花板上面两个巨大既铁叶花型风扇。不但有特色，仲唔会令你一边汗流浃背咁食饭添！而且临近中秋，餐厅都挂上一排灯笼，与泰式既装潢放在一起，竟然冇一种突兀的感觉。反而有种两种不同文化结合的感觉，令我系呢个国际之都入面感到欣慰。系我欣赏餐厅环境既同时，耳边响起一阵阵悦耳既欧美歌曲，老板亦系呢个时候都为每枱添上一盏枱灯，气氛更加浓厚。呢个时候，我将注意力放返到餐枱上面。餐枱上面摆放整齐一套餐具，餐具都十分干净。服务员递上餐牌比我地，餐牌封面系由竹料制成，十分有泰国既味道，令我谂起系泰国街头上各式各样既竹制品。打开餐牌，餐牌简洁易明，每页都会在文字隔离配上食物图片容易理解。我就叫左几样呢间餐厅既招牌菜。老板十分友善，会先问我同男朋友饮唔饮酒。咁因为我同男
My Thai Bar呢间餐厅既位置易揾，黎到东涌海堤湾畔，一眼就可以见到，餐厅招牌都较显眼。
入到呢间餐厅入面，餐厅环境都十分舒适，装潢非常有泰式风味同特色，特别系天花板上面两个巨大既铁叶花型风扇。不但有特色，仲唔会令你一边汗流浃背咁食饭添！
而且临近中秋，餐厅都挂上一排灯笼，与泰式既装潢放在一起，竟然冇一种突兀的感觉。反而有种两种不同文化结合的感觉，令我系呢个国际之都入面感到欣慰。
系我欣赏餐厅环境既同时，耳边响起一阵阵悦耳既欧美歌曲，老板亦系呢个时候都为每枱添上一盏枱灯，气氛更加浓厚。
呢个时候，我将注意力放返到餐枱上面。餐枱上面摆放整齐一套餐具，餐具都十分干净。
服务员递上餐牌比我地，餐牌封面系由竹料制成，十分有泰国既味道，令我谂起系泰国街头上各式各样既竹制品。打开餐牌，餐牌简洁易明，每页都会在文字隔离配上食物图片容易理解。
我就叫左几样呢间餐厅既招牌菜。老板十分友善，会先问我同男朋友饮唔饮酒。咁因为我同男朋友都唔系咁中意饮酒，所以就唔饮，老板推介左椰青比我地。
话咁快椰青就已经上左比我地啦，等我试试味先！嗯～味道够晒清甜，而且里面既椰青水都系满既，非常好饮！
系呢个时候有位客人入左餐厅，客人怕大风，老板就帮呢位客人简左个唔系太大风既座位，十分为客人设想呢。
我地叫左既野食都差唔多上菜啦，打头阵既系头盘生虾刺生。刺生卖相非常好，鲜嫩虾肉配独特既酱汁，突出到虾的鲜味。虾上面都有一粒蒜头同一小旧辣椒，可以去除左虾既腥味。唔食辣既朋友，可以选择唔要辣椒。
第二道菜系蒜蓉椰菜苗，对比泰国食到既椰菜苗，餐厅加左粟米芯同萝卜丝，味道偏清淡。较泰国健康，冇泰国炒出来苦，偏清爽，比较合适香港人既口味。
接住落黎既系青木瓜沙律，试左第一啖，已经食得出够晒正宗，同泰国食到既冇分别。呢道菜有啲酸酸辣辣，十分开胃，但唔食辣既朋友就要注意一下啦！
主菜黎啦，系南瓜海鲜炒饭，炒饭放系南瓜入面，卖相够晒特别。里面海鲜都十分之多，味道鲜甜，较开胃。
最后甜品黎啦，一set里面有三款糕点，包括左椰汁西米糕，椰汁大菜糕同埋班兰叶糕。
椰汁大菜糕味道比较淡，另外两款则较甜，大菜糕可以中和返个甜味。
中意食泰式地道食物既大家一定要黎呢间My Thai Bar！价钱虽然偏贵左少少，但系香港食到咁高质同地道既泰国菜都算合理。
老板同服务员非常亲切！我地食饭途中，会黎问下你味道如何，接受客人既意见, 仲会同我地倾下计！最后我地都捧住个肚同老板讲再见
张贴
