影片
更多
2024-04-16
49 浏览
系香港食打边炉就多，用寿喜烧汤底去打边炉亦都唔少，但系真系食一餐寿喜烧既就唔多，呢间八不系专做寿喜烧餐既，难得有专门店，地点又就脚梗系黎食番餐啦😛呢度餐牌系QR code睇同落单既，餐厅布置都好有日式风格，枱面上有两樽好似酒樽既，其实系寿喜烧汁同清汤，唔好搞错攞左黎饮呀🤣经典日本A5黑毛和牛餐（$368）黎到梗系食个寿喜烧餐啦，黑毛和牛系佐贺西冷，一碟有成10块，睇佢个样已经见到脂肪分布得几咁靓，初初店员会帮爆香d葱起炉比我地用，之后落适量寿喜烧汁去煮，食既时候有蛋浆提供点黎食，d牛有入口即溶既感觉，真系高质牛肉😍野菜拼盘野菜系跟餐付上既，材料种类都好多，有豆腐，娃娃菜，白菜仔，南瓜，金菇，仲有份主食日本葛丝，葛丝即系类饮粉丝既，但佢比粉丝更弹牙，食法系食完牛再加清汤先煮呢d蔬菜🥬🥦蒲烧海鳗赤面（$118）面同鳗鱼系分开上既，呢个赤面本身就有腐皮，樱花虾，海带既配料，我拣左传统赤面汤，面底就系荞麦面，感觉呢碗面既味道就系热食既荞麦冷面，汤底味道都同冷面汁相似，条鳗鱼都烧得好靓，入口够晒肥美😋呢间餐厅既正宗寿喜烧食法带比我唔错既体验，牛肉质素非常高，餐厅又够晒日系，直头有种旅行feel🎌
呢度餐牌系QR code睇同落单既，餐厅布置都好有日式风格，枱面上有两樽好似酒樽既，其实系寿喜烧汁同清汤，唔好搞错攞左黎饮呀🤣
经典日本A5黑毛和牛餐（$368）
黎到梗系食个寿喜烧餐啦，黑毛和牛系佐贺西冷，一碟有成10块，睇佢个样已经见到脂肪分布得几咁靓，初初店员会帮爆香d葱起炉比我地用，之后落适量寿喜烧汁去煮，食既时候有蛋浆提供点黎食，d牛有入口即溶既感觉，真系高质牛肉😍
野菜拼盘
野菜系跟餐付上既，材料种类都好多，有豆腐，娃娃菜，白菜仔，南瓜，金菇，仲有份主食日本葛丝，葛丝即系类饮粉丝既，但佢比粉丝更弹牙，食法系食完牛再加清汤先煮呢d蔬菜🥬🥦
蒲烧海鳗赤面（$118）
面同鳗鱼系分开上既，呢个赤面本身就有腐皮，樱花虾，海带既配料，我拣左传统赤面汤，面底就系荞麦面，感觉呢碗面既味道就系热食既荞麦冷面，汤底味道都同冷面汁相似，条鳗鱼都烧得好靓，入口够晒肥美😋
呢间餐厅既正宗寿喜烧食法带比我唔错既体验，牛肉质素非常高，餐厅又够晒日系，直头有种旅行feel🎌
hi
张贴
