小清邁 (柯士甸大廈)

营业中

休息中

今日去朋友屋企housewarming，每个人都买少少食物，我就拣咗呢间泰式外卖店。见到店铺内店员都系泰国人，令我对呢餐嘅食物非常期待。点左以下食物：托文虾饼（ $88）呢个虾饼非常好味，炸到香脆入面系满满弹牙嘅虾胶有少少虾粒有咬口。外皮炸到香酥，一份有八件，好食！特式红咖哩鸡 （$78）份量十足，鸡件多，咖哩好香唔算好辣，香浓惹味，送饭同点薄饼都非常一流，酱汁好食到朋友话要留起听日再食！ 芒果糯米饭 （$45）呢个芒果糯米饭真系非常有惊喜，绝对要推介。佢嘅糯米饭系绿色，用上斑兰而且热辣辣，烟韧口感一流。芒果亦系香甜到不得了，芒果香充满口腔，食落无渣，加埋椰汁，每啖香甜烟韧，非常好吃！