曜鴻石磨腸粉

营业中

休息中

今次揾到间屯门隐世小店店主好多野食都系🇭🇰香港自家制非常欣赏豉油、辣椒油、酸菜各样都系自家制主打石磨肠粉，香港已经好少有好味而薄身既石磨肠粉亦都好难遇到呢间真系好推荐👍🏼好正宗，又平又好味🔸秘制叉烧捞肠粉 $22叉烧都系秘制，好香好好味，肉质鲜嫩👍🏼肠粉好滑，份量亦好多。倒埋自家制豉油，令肠粉味道更正🤤最特别系配有酸菜及尖椒，而且系独有自家制，味道同一般食开好唔同！我地加左蛋，价钱就再加$3。🔸肉燥捞肠粉 $22肉燥好香浓，肠粉已经有肉燥既香汁，所以呢款无须再加豉油已经好够味😋肠粉仲好薄好滑👍🏼🔸叉烧、猪润蒸米粉 $34猪润滑而嫩，米粉配上猪润及叉烧，令到味道升华🤤米粉同酒楼既好大分别！酒楼叫既都系偏油，但呢到既米粉好烟韧无落油煮，好好味！配埋自家制辣油，好惹味！🔸芝麻糊 $15呢款系养颜必叫既甜品。自家研磨既黑芝麻，睇图都见到好滑。黑芝麻味道好浓郁，甜度适中，唔会偏甜，岩晒健康一族。🔸黑豆浆 $8平时饮开都系白豆浆，呢到既黑豆浆非常出色。唔会好甜，好浓黑豆味。配埋肠粉一齐叫仲减多$1。大枝装都只系$15，好抵。