R.T. 泰國美食

营业中

休息中

某日经过E间泰国外卖小店，见佢系家庭run就试咗一次，然后连续三晚都系食佢。爸爸妈妈负责煮，个仔就负责落单。第一晚食咗香叶肉碎饭，真系好好味，但系对我来讲辣左少少，但系已经让我对依间小店大大增加信心。第二晚就食咗泰国炒粉丝，心思思加咗烧鸡翼串烧，仲有三只醤料配，我就拣咗沙嗲酱。粉丝炒得啱啱好，唔太干唔太湿仲有好多菜配料。第三晚就试咗冬阴公汤丶炒椰菜苗同埋湿炒海鲜金边粉。冬阴公汤都有好多料。全力支持小店，而且仲系泰国人亲手煮。可以预先打电话预订，方便又快捷。夜晚黑冇时间煮饭，就系最啱嘅选择。