潮龍清湯腩 (已結業)

喺元朗都住左就快一年，每星期梗会经过呢间铺头几次，但都冇入去食过野，明明清汤腩系我其中一款至爱食品，今日经过，唔肚饿都入左去试下！佢叫潮龙，唔知同其他什么生龙昌龙等铺头有冇关系？唯一可以肯定就系佢同我讲个两间嘅牛腩一样好味。睇睇餐牌，下午茶崩沙腩河粉卖28蚊碗，加2蚊可以饮雪梨菊花茶，谂都唔使谂，整碗先！再饮左枝雪梨菊花茶。未讲碗面好唔好食前，同大家讲下点解我一见倒崩沙腩河卖28蚊碗，就双眼放光。牛腩呢个统称系由牛胸至肚底部份嘅一整块肉，啖啖肉嘅抗腩就系牛胸两侧嘅牛肋肉，崩沙就属于牛横隔膜嘅两侧筋膜连肉部份，爽腩就有两种，清汤腩铺讲嘅爽腩就系透明一块冇乜肉嘅筋(与崩沙腩部份相连)，但如果去牛肉档买嘅话，佢地会切旧爽口嘅净肉俾你。据之前食开嘅清汤腩铺头讲，叫得做牛腩嘅牛肉，里面只有大概二成系崩沙腩，不足一成系爽腩，所以好矜贵，价钱贵抗腩成三成。计条简单嘅数俾大家睇，牛坑腩街市卖约80几蚊斤，咁崩沙腩（如果买倒的话要话）要110蚊斤，一斤十六两每两价值7蚊，三两崩沙腩价值20蚊有多，雪藏牛腩大概系鲜腩嘅五份三价钱都要12蚊三两。假设我碗粉有三两雪藏崩沙腩，净系牛腩成本，未计粉同埋汤底等等成