莆田 (已結業)

今日去左探搬左入马鞍山既朋友，去完佢间新屋后坐左阵后就去左佢屋企楼下附近揾食，就咁睇原来呢度都好多新的餐厅，但系就网上见评价呢间唔错就食喇，餐厅在香港有多家分店，在星加坡曾被选为米芝莲一星。我地点咗几个都没食过嘅，当试新野了，反正佢新出左野！最先上既系虾苗拌头水紫菜 - 卖相亮黑，彷如密质质的黑松露般！紫菜用两片薄薄青瓜包裹著，拌入虾苗及醋，质感滑溜丰富。紫菜的香配上爽甜的虾苗，更能显出层次感的咸鲜味！跟住既系「百秒黄花鱼」，原来呢道𩠌获得米芝莲一星嘅殊荣。厨房将鱼身㓥开一半，有热汤浸住。鱼肉又滑又鲜甜，完全唔腥。鱼骨比较少同幼。跟住就系主食既「莆田卤面」。一碗面有１２种食材，有菜有肉有海鲜有豆卜。味道一般，好似平时食团餐农家菜咁，材料都算新鲜，味道亦可，岩晒送鱼！今日嘅主角，就系「红菇炖土鸡」！一放底已经有阵阵嘅鸡汤香味。饮落个汤好清，不过略嫌咸左少少，但都几正！最后就系小食「酥炒芋芯」，芋芯由糖浆包住拎去炒，所以个皮脆脆地，而芋头好粉，一咬落去外面脆得嚟又有少少黐入面就好粉，都几好食。 整体味道也不错，可能是米芝莲餐厅期望会再高一点，而酥炒芋芯是惊喜之作!