影片
更多
2022-06-28
2174 浏览
女友同我庆生, 想饮啤酒又想试新地方, 就拣左呢度. 餐厅分两边, 一边系高枱高櫈似酒吧, 一边系大梳化大枱似餐厅, 我地坐餐听𠮶边. 一共只有6张枱, 但每个位都好阔落, 坐得非常舒服, 系度睇波应该好正. 我地系黎叹啤酒既, 呢度装修真系有几分似德国啲Biergarten, 楼底高, 两排长长既天花吊灯增加左空间感, 装饰唔系华丽, 似屋企客厅多啲, 感觉好舒服, 梳化很大, 我地两人可以并排坐. 对面有两个酒桶形既卡位, 好有特色, 但入面睇黎有啲焗促, 都系留番俾钟意打卡既人啦. 啤酒先点一杯Konig试下($66, 0.4L), 因为侍应话Bitburger再苦一啲, 饮落味道好丰富, 其实都唔苦㖞, 仲甜甜地, 可能因为用高脚杯上, 或者餐厅够冻, 我地食左个半钟, 杯啤酒都仲系冰冻既, 呢一点非常好. 前菜我地点左Beef Gloulash薯仔牛肉汤 ($68, S), 炸金文毕芝士 ($98). 呢两样系今餐最满意既. 如果你都系牛魔王, 牛肉汤一定会满足到你, 真系啖啖都系浓缩, 澎湃既牛肉味, 仲有好多牛内, 薯仔粒, 香料味就系咁易有啲, 唔会抢左啲牛味. 炸芝士
餐厅分两边, 一边系高枱高櫈似酒吧, 一边系大梳化大枱似餐厅, 我地坐餐听𠮶边. 一共只有6张枱, 但每个位都好阔落, 坐得非常舒服, 系度睇波应该好正. 我地系黎叹啤酒既, 呢度装修真系有几分似德国啲Biergarten, 楼底高, 两排长长既天花吊灯增加左空间感, 装饰唔系华丽, 似屋企客厅多啲, 感觉好舒服, 梳化很大, 我地两人可以并排坐. 对面有两个酒桶形既卡位, 好有特色, 但入面睇黎有啲焗促, 都系留番俾钟意打卡既人啦.
啤酒先点一杯Konig试下($66, 0.4L), 因为侍应话Bitburger再苦一啲, 饮落味道好丰富, 其实都唔苦㖞, 仲甜甜地, 可能因为用高脚杯上, 或者餐厅够冻, 我地食左个半钟, 杯啤酒都仲系冰冻既, 呢一点非常好. 前菜我地点左Beef Gloulash薯仔牛肉汤 ($68, S), 炸金文毕芝士 ($98). 呢两样系今餐最满意既. 如果你都系牛魔王, 牛肉汤一定会满足到你, 真系啖啖都系浓缩, 澎湃既牛肉味, 仲有好多牛内, 薯仔粒, 香料味就系咁易有啲, 唔会抢左啲牛味.
炸芝士系一小饼芝士包左面包康去炸. 女友系芝士控, 今次真系命中要害, 好味到不得了. 佢炸到外脆内软, 唔好睇佢一大旧, 入面啲芝士系有少少creamy质地, 味道都系有奶味既creamy cheese, 一啲都唔溜, 唔油腻. 点埋个红莓酱就更清新了.
主菜点左脆猪手($228)同维也纳肠配沙律($105), 维也纳肠一碟三大条, 真系好长好壮观既, 味道就冇乜特别, 就系烟分味既, 质地比较滑既猪肉肠, 唔系特别浓味, 唔知道另外两款肠会唔会特别啲. 之前睇menu话有幕尼黑白肠(小牛肉), 唔知点解依家冇左.
炸猪手好多人推介, 制作时间只系15分钟, 可能今晚客人少. 个皮就系好香脆, 好有水准, 肉都好多, 我地用左好耐先食得晒. 配菜有德国酸菜, 真系好酸, 我觉得冇某连锁德国餐厅咁好食, 另一款配菜加钱转左german pasta, 系好清淡既意粉, 只有小麦既淡淡香味, 可以解猪手既油腻, 意粉仲要切到好短一截截, 用汤匙食都得.
因为食物点得太多, 冇胃口饮第二杯啤酒了, 有啲可惜. 最后赞下侍应既服务都系唔错既.
张贴
