帝樂德國餐廳 (Fashion Walk)

营业中

休息中

呢間新開德國菜餐廳環境裝飾得好有異地feel，味道正宗，每碟份量足，經理同員工都好熱情友善🥰依家新出冬日酒熱飲系列，每杯都好吸引🤩.🥣煙三文魚沙律🥣：💰$165灑上大量芝士粉，配紫洋蔥、牛油果、番茄仔同脆脆包條，三文魚大片又肥美，用料新鮮。🥣紐倫堡豬肉腸🥣：💰$150紐倫堡豬肉腸肉質鮮嫩，以胡椒、蒜等調味，烤至外皮微微焦脆，內裡保持肉汁，搭配酸菜同德式土豆沙拉，酸味可以平衡油膩感，增加整體口感層次。🥣脆皮燒豬肘🥣：💰$280必食⭐️德式脆皮燒豬外皮烤至金黃酥脆，內裡保持豐滿肉汁油香十足，肉味濃郁口感柔嫩，充滿骨膠原。搭配德式酸菜同炸薯角，配埋一杯德國啤酒，更加完美！🥤Jasmine’s Garden🥤：💰 $68裝飾好打卡able，整體花香味好突出，味道似蝶豆花茶，唔會太薑，加左蜜糖更香甜。🥤Spice 🥤：💰$78呢杯夠晒薑，蜜糖味清甜，加入鮮青檸，酸酸甜甜，酒味都幾突出，飲完即刻暖笠笠。