Little Mario's Pizzeria (Life@KCC )

营业中

休息中

大学时期去过意大利做交流生，想当年一星期都会食到几次Pizza。虽然成日食从来唔会厌倦，只因意大利嘅Pizza真系好好味。返到香港之后我一直好怀念果种独有嘅意大利Pizza风味。香港好少食到正宗嘅意大利Pizza，今晚嚟到呢间自称系全香港头10间最好食嘅Pizza店，一试就知龙与凤！可能由于新型肺炎肆虐，所以餐厅冇咩客人，我哋好似包左场咁..餐厅有提供消毒酒精纸巾比客人消毒餐具，非常贴心！先来一客prama ham火箭菜沙律($88)，火箭菜份量超多而且好新鲜，西班牙火腿充满咸香味，同新鲜爽脆嘅蔬菜一齐食味道好夹。主角意大利辣肉肠pizza($96) 这个份量啱啱好适合情侣分享黎食，芝士味道非常香浓，食嘅时候有拉丝嘅效果，记得一定要趁热食！辣肉肠都几厚切，食落口感唔错。下次要叫大个先得，好食到停唔到口。饮品方面我哋点左冻抹茶牛奶同埋热朱古力，两杯饮品嘅奶味非常香浓，甜度适中，好有水准。