Mama Mia! Pizzeria (已搬遷) 新店位置

收工行过见到门面同pizza几吸引下，仲要系外藉人士主厨整，即刻想怀念下意大利旅游时食既pizza。即叫即整，候时10-15分钟，座位唔多，买返屋企食仲热仲脆。🥢招牌薄饼 MAMA MIA 9 inch 🥢 $138正宗既意大利pizza同香港真系好唔同，系劲薄且硬到脆。辣肉肠、烤牛肉，肉粒，薄饼酱料唔多，味道来源主要系芝士同肉，特别系辣肉肠，咸香微辣，加埋油脂既香味，丰富左个味道。🥢卡邦尼意粉 CARBONARA 🥢 $88唔系出面食开果劲creamy 既意粉好唔同，芝士相当重量，芝士既油香又腻，令人又爱又恨。🥢烧烤酱鸡翼 BBQ Chickens 🥢 $68鸡翼就肉嫩juicy，系好食既，比起pizza同spaghetti味道上就无特别过人之处。