影片
更多
2021-10-24
99 浏览
小妹系韩食迷，每次经过呢间小店都心郁郁想试，所以决定买2份紫菜饭卷返去做午餐。😋舖头喺Park Aura嘅Food Loft地下，主要做外卖生意，隔离有个小小嘅立食区，想堂食亦可以上楼上坐，环境唔错。😙店主应该系韩国人，要用英文落单，入面仲有两位南亚姐姐负责整嘢食，三位都亲切有礼，系呢间小店其中一个加分位。😌🐮 牛肉紫菜饭卷 Beef Gimbap $42📍 评分：🌕🌕🌕🌕🌑饭卷全部事先整定俾你Grab & Go，非常方便。饭卷切开10嚿，有丰富嘅菜，牛肉肥瘦均匀，麻油令到成个饭卷更香口，系一个唔错嘅选择。👍🐟 吞拿鱼紫菜饭卷 Tuna Gimbap $40📍 评分：🌕🌕🌕🌕🌕同牛肉紫菜饭卷一样，包得好足料，麻油落得啱啱好，个人更觉得呢款青出于蓝。吞拿鱼嘅味道非常浓郁，香软嘅口感配合蔬菜嘅爽脆简直天衣无缝，好食又健康！而且价钱比牛肉平2蚊，推荐大家买爆！另外仲有个$42嘅Idol Set几抵食，包5嚿自选饭卷、1份鸡蛋沙律三文治同少少生果，有兴趣可以试吓👀
舖头喺Park Aura嘅Food Loft地下，主要做外卖生意，隔离有个小小嘅立食区，想堂食亦可以上楼上坐，环境唔错。😙
店主应该系韩国人，要用英文落单，入面仲有两位南亚姐姐负责整嘢食，三位都亲切有礼，系呢间小店其中一个加分位。😌
🐮 牛肉紫菜饭卷 Beef Gimbap $42
📍 评分：🌕🌕🌕🌕🌑
饭卷全部事先整定俾你Grab & Go，非常方便。饭卷切开10嚿，有丰富嘅菜，牛肉肥瘦均匀，麻油令到成个饭卷更香口，系一个唔错嘅选择。👍
🐟 吞拿鱼紫菜饭卷 Tuna Gimbap $40
📍 评分：🌕🌕🌕🌕🌕
同牛肉紫菜饭卷一样，包得好足料，麻油落得啱啱好，个人更觉得呢款青出于蓝。吞拿鱼嘅味道非常浓郁，香软嘅口感配合蔬菜嘅爽脆简直天衣无缝，好食又健康！而且价钱比牛肉平2蚊，推荐大家买爆！
另外仲有个$42嘅Idol Set几抵食，包5嚿自选饭卷、1份鸡蛋沙律三文治同少少生果，有兴趣可以试吓👀
张贴