加東 (已結業)

之前朋友已经带过我黎食㗎啦 印象之中佢嘅新加坡菜都几正宗同几好食 今次同妈咪喺铜锣湾行完街谂唔到食乜 即管问下佢想唔想食新加坡野 佢竟然谂都唔谂举手赞好 咁就带佢嚟试吓啦 澳门逸园中心成幢都系食肆好多都要排队 谂住打定输数要等位啦 点知有好多空位㖞 果然香港人系钟意食日韩野多啲 天助我也！今次我哋叫做黑胡椒蟹 新加坡喇沙 同埋马拉盏炒通菜 喇沙同埋通菜呢啲基本野啦 难食既我第二次黎都唔会极力推介我妈咪食啦系咪 而黑胡椒蟹就系我第一次食既 果然冇令我失望 佢嘅黑胡椒炒得好香啲蟹都好新鲜 连我妈都话有喺星加坡食嘅感觉！唯一嘅系呢度价钱都唔算太平 但想寻回正宗新加坡嘢嘅味道都可以再黎嘅！