天天海南雞飯 (Fashion Walk)

营业中

休息中

同朋友好耐冇见，想拣间坐得舒服嘅餐厅食饭倾偈，拣左想试好耐嘅天天海南鸡。两个人都可以坐四人枱，坐得舒服。除左海南鸡，仲有好多特色新加坡菜。天天无骨海南鸡 + 油饭海南鸡做到皮薄肉质嫩滑，即使全份都系鸡胸部份，都绝对唔会嚡口。非常欣赏。鸡皮与鸡肉之间保持一层啫喱，好好味。三款酱料都非常高质，平时唔食辣嘅我都点完又点。油饭粒粒分明有鸡油香，但又唔会过分油腻。豆浆海南杂菜锅练习火锅都好有惊喜，非常足料，粉丝同黄芽白浸喺豆浆索哂汁，好香浓。里面仲有鸡肾、大虾干、西兰花苗同椰菜花。火焰石烧沙爹串串烧鸡肉、牛肉同猪肉各两串，职员会即场用火枪火炙，好香。即使唔点沙嗲酱都已经好够味，点完更加惹味。估唔到除咗海南鸡高质之外，其他菜式都相当唔错，而且好适合同朋友坐喺度慢慢倾偈。