阿里山台式美人鍋 (已結業)

去左间位于佐敦同柯士甸附近嘅一间台式打边炉食饭，四个人买咗好多嘢食呀。个个都话唔想食得咁油腻，所以嗌咗个酸菜白肉锅仲附送多一碟肉添。入边嘅装修都几古色古香㗎😋 佢嘅汤底煲愈煲愈酸，算系正宗嘅酸菜白肉锅，而且佢加汤嘅时候唔系就咁加清水而系加汤底落去所以唔会有越嚟越淡嘅味道！一行四人嗌咗唔少嘢食有牛肉羊肉，午餐肉凤城水饺墨鱼滑等等仲带咗卤水拼盘添真系超好食！卤水拼盘上枱嘅时候暖笠笠而且份量好多，里面有豆腐牛肚猪肠鸡蛋等等手打五宝丸拼盘都系呢度嘅特色招牌菜有五种唔同嘅远任君选择而且价钱都好平，一粒分量都可以同隔离位𠮶个share嚟食。安格斯肉眼肥牛脂肪同肉嘅分布均匀色泽鲜明，咬落好有肉味虽然有少少雪藏嘅感觉，不过仲维持到牛肉应有嘅鲜味同口感