十二味 (嘉峯匯)

营业中

休息中

十二味朋友啱啱搬咗入启德，今日去探下佢顺手食个晚饭。咁啱我地两个都钟意食鱼，就系拣咗楼下既十二味。😍😍餐厅非常宽敞，加上一排大窗，空间感好够大，完全冇背贴背既压迫感，非常舒服。由于每枱都有叫酸菜鱼，实在太香，我都都忍唔住要落单啦。😋😋呢到系用手机落单架，非常方便。呢到除咗酸菜鱼之外都仲有好多选择，有回锅肉，口水鸡，麻辣香锅，尖椒皮蛋及各式各样既小食等等。选择好多，虽然大部分都系辣既，但佢有唔同辣度比大家选择，非常贴心，唔食得太辣既话可以拣小辣就唔怕食唔到啦。😊😊酸菜鱼上枱已经闻到好香，香料味好突出，雪白既鱼肉未食就知佢好滑溜。酸菜鱼材料一啲都唔马虎，除咗酸菜同鱼之外，仲有香菇，萝卜，莴笋等等。整体鱼肉好嫩滑，酸菜好醒胃，料头索晒汤汁既味道，系一道好正宗既酸菜鱼。👍👍土豆丝系一度我自己好钟意食既菜，加咗生蒜，适量既麻油同醋，好香又令胃口大开。土豆丝非常爽口，做得好唔错。❤️❤️我地叫咗一杯芒果梳打，芒果味恰到好处，而且非常解暑呀！ 😄😄最后我地叫埋红糖糍粑。新鲜炸出黎既糍粑外皮香脆，入面软糯，配上红糖同黄豆粉，真系食唔停口呀！😝😝