麵屋一平安 (已結業)

今次同朋友嚟到面屋一平安嘅美丽华广场分店，品尝地道日式拉面！晚上时段，餐厅仲会有二人套餐可以拣，包括有2个主食+2个小食+2杯饮品，非常丰盛！主食类特制鸡白汤拉面拉面挂满晒汤汁，啖啖鸡汤精华！浓厚鸡白汤有浓浓嘅奶油香气，味道香醇顺滑，再配合低温鸡腿叉烧及鸡胸叉烧，浓厚咸香，好食！特制熊本蒜油猪骨汤拉面猪骨汤底香浓，拉面仲有啖啖蒜香味，香气十足！拉面面条弹牙有口感，而猪肉叉烧同样鲜嫩多汁，仲有溏心蛋嘅加持，正！小食类明太子煎蛋甜甜的蛋卷之中，有充满咸香味嘅明太子味，风味十足。八爪鱼薯仔青酱汁极力推荐小食！金黄色嘅薯仔非常口香，仲有八爪鱼非常软滑鲜美，配合埋青酱汁，味道非常可口，而且份量十足，千祈唔好错过！饮品今次升级加钱点咗两杯饮品，包括菠萝味益力多梳打 和 热柚子柠檬茶，菠萝味益力多梳打味道令人充满惊喜，好饮之余，仲可以解油腻感，正！