影片
更多
2021-11-30
521 浏览
自从疫情之后，就无再去旅行。老公知我挂住日本，所以佢就话带我黎呢间日式餐厅，感受吓返乡下感觉。一入门口就见到柜好多酒，职员话除左呢度，里面仲有两个柜比客人存酒，可见呢度好多熟客棒场。日式装修，灯光淡黄，觉得似日本居酒屋。坐低后，就听到隔黎枱系度用日文倾计，原来连日本人都黎呢度，老公无讲错，真系正宗日式餐厅㖞。职员推介左条薄切鱼，然后老公打开餐牌叫左清酒配小食，另外再叫左沙律、炸物、一品料理同炒饭。前菜：莲藕渍物，超爽口，似咸又似甜，味道特别，都ok。薄切：职员推介左条须鲷，系每日由日本空运黎嘅飞机货，原条须鲷切成薄片，腩部分就切成厚粒，薄切有清新柚子味道，而厚粒就更有口感，超正👍龙虾沙律：龙虾蓉好大旧，好冰冻，味道甜甜，下面系沙律菜，新鲜干净兼爽口，呢款沙律又几唔错。八海山清酒：自家品牌清酒，日本进口，老公话入口清纯，无杂质味道，唔怪得我饮左一杯仔就觉得wing wing地啦🙈！鸡泡鱼干：老公指定送酒之选，入口暖暖，有咬感，咸咸甜甜，点埋沙律酱，好味道。牛油带子烧：带子超大粒，煎到好香，用铁板上keep住热度，食到满口牛油味道，仲有黑椒味添，加左几滴柠檬汁好fresh，同埋d菇菇一齐食
一入门口就见到柜好多酒，职员话除左呢度，里面仲有两个柜比客人存酒，可见呢度好多熟客棒场。
日式装修，灯光淡黄，觉得似日本居酒屋。坐低后，就听到隔黎枱系度用日文倾计，原来连日本人都黎呢度，老公无讲错，真系正宗日式餐厅㖞。
职员推介左条薄切鱼，然后老公打开餐牌叫左清酒配小食，另外再叫左沙律、炸物、一品料理同炒饭。
前菜：莲藕渍物，超爽口，似咸又似甜，味道特别，都ok。
薄切：职员推介左条须鲷，系每日由日本空运黎嘅飞机货，原条须鲷切成薄片，腩部分就切成厚粒，薄切有清新柚子味道，而厚粒就更有口感，超正👍
龙虾沙律：龙虾蓉好大旧，好冰冻，味道甜甜，下面系沙律菜，新鲜干净兼爽口，呢款沙律又几唔错。
八海山清酒：自家品牌清酒，日本进口，老公话入口清纯，无杂质味道，唔怪得我饮左一杯仔就觉得wing wing地啦🙈！
鸡泡鱼干：老公指定送酒之选，入口暖暖，有咬感，咸咸甜甜，点埋沙律酱，好味道。
牛油带子烧：带子超大粒，煎到好香，用铁板上keep住热度，食到满口牛油味道，仲有黑椒味添，加左几滴柠檬汁好fresh，同埋d菇菇一齐食，几好味。
吉列炸蚝：刚炸起好热，里面只蚝好大粒，外皮咬落松脆，蚝汁漏出黎，好肥美，吱左啲柠檬汁好香，点埋沙律酱又几好食，食吓旁边沙律菜好似无咁邪恶。
明太子露笋炒饭：啖啖明太子味道，细细粒，好绵密，够晒味。里面露笋爽口，仲有鸡蛋丝，好香好好食。
张贴
