長浜No.1拉麵

营业中

休息中

几年前食过呢间系九如坊嘅拉面,已经留下好好嘅印象,今晚再度过嚟食,仍然系咁good。我叫咗No.1拉面, 话明No.1, 梗系呢度signature嘅拉面啦!有四块叉烧,一个糖心蛋开边,好几块紫菜,仲有木耳丝,用料十足,汤底又够味,又唔算太咸。天时冻冻地食啖热辣辣嘅拉面,真系一大享受。不得不提𠮶位日本师傅,由于我今次坐吧枱,亲眼睇住佢用心咁制作拉面,佢一丝不苟,能够同时处理汤底,又能够煮啲面嘅软硬度适中,仲亲手搞埋啲叉烧,实在专业👍。最钟意食日本拉面就系呢个原因,专业嘅师傅就系最好。有个客人临走,呢位师傅仲亲自出去送客,鞠晒躬咁,对客人宾至如归,所以呢间拉面我觉得又好食又有专业。