金鶴拉麵 (荷李活道) (已結業)

今日难得个friend可以早放工，所以约埋一齐食晚餐，真开心！！！佢话想食拉面，咁就揾到呢间超多好评嘅拉面铺。平日嘅下午6点几到都已经有一半满，真犀利，观众嘅眼睛系雪亮嘅，所以食评应该冇错。餐厅有拉面、沾面同埋饭拣，我哋两个都叫左黑蒜酱油拉面。首先试咗个汤底先，好正，味道浓郁，最紧要系唔会死咸，饮落有味精，我哋最后成碗汤都饮晒，肥死。我哋都好欣赏个拉面，面身唔粗，可以挂汁，软硬适中，我个friend觉得啱啱好，但由于我个人比较钟意硬小小嘅面，所以下次再食会问下餐厅有冇得要嘅面硬小小。𩠌有日本叉烧，而且居然有慢煮鸡胸，出边好难得食到，两样都好好食。以中环区黎讲100蚊有找嘅拉面算好抵食，下次会再食过！