一口沙嗲專門店

营业中

休息中

之前上網見到有間店係賣沙嗲串燒同埋串燒用嘅電爐，一直都好想買。前兩日趁家姐（金主）放假，我即刻拉咗佢去買😬我哋買咗四包串燒，有牛、豬、雞同羊。每一包串燒都已經醃好，打開就聞到香濃嘅沙嗲味。串燒十分惹味，食落鹹鹹地甜甜地，係正宗星馬風味沙嗲串燒。我哋全屋都特別鍾意食雞串，因為雞肉肉質係最滑嫩，而其他肉類都各有特色。除咗串燒好味，佢嘅醬料都好吸引。原味花生醬味道較甜，蘸串燒一齊食仲會食到啲花生粒，口感豐富。辣味花生醬香辣惹味，令串燒有另一種滋味。除咗串燒，我哋仲買咗個電爐。電爐唔算大，細細個咁容易收納。電爐上面可以烤串燒，下面可以整翻熱啲醬料，一舉兩得！電爐側邊仲可以調校溫度，咁就唔怕整到燶曬啦！