影片
更多
2022-02-26
19 浏览
之前去过将军澳Pop Corn 食野，今次去到附近帝景湾商场觅食，揾到一间好难得嘅正宗粤菜，系有诚意制作嘅食店。窝心事，因为呢几日天气太冻有几度，一坐低第一样嘢就系比两大杯热柠水我哋饮，即刻成个人暖笠笠又清新，即刻加分啦系咪先。简简单单叫咗个小食海波先，登登登邓！嚟咗一个椒盐豆腐，豆腐好嫩滑同埋外皮好脆，椒盐做得啱啱好，同埋你睇吓佢只碟几得意，成个人开心晒，唔好睇佢简简单单一碟炸豆腐系坚好食。跟住出场嘅系……菜远牛肉，你睇吓佢嘅摆盘，几咁优雅，佢用嘅牛肉原来系新鲜牛肉，同埋好友牛肉味，正宗粤菜你睇到佢嘅心机甘笋片菜远我俾咗个特写，睇吓下面你就知。正宗粤菜其中有得玩就系甘笋片做靓花花，即系将条甘笋雕完花再切片，唔系心机同刀工系啲乜嘢呢啊？唔系求其一个菱形就算，呢个系粤菜其中嘅技术，好嘢呀！另一个要赞嘅就系呢条菜心，佢系将条菜心打斜切，然后菜叶又会切咗一顶一部份，将条菜最嫩口嘅部份俾晒你食，呢条叫「菜远」，你明唔明白呢段时间啲菜几咁贵先得㗎，佢仲肯咁样做真系俾个叻佢先得呀！接住落嚟出场嘅系…..粟米班腩！嗱咁呢个粟米班腩系有水准嘅，当然𠮶啲班腩肉够脆口，外面有沾到粟米汁又有蛋花，食落去有几
窝心事，因为呢几日天气太冻有几度，一坐低第一样嘢就系比两大杯热柠水我哋饮，即刻成个人暖笠笠又清新，即刻加分啦系咪先。
简简单单叫咗个小食海波先，登登登邓！嚟咗一个椒盐豆腐，豆腐好嫩滑同埋外皮好脆，椒盐做得啱啱好，同埋你睇吓佢只碟几得意，成个人开心晒，唔好睇佢简简单单一碟炸豆腐系坚好食。
跟住出场嘅系……菜远牛肉，你睇吓佢嘅摆盘，几咁优雅，佢用嘅牛肉原来系新鲜牛肉，同埋好友牛肉味，正宗粤菜你睇到佢嘅心机甘笋片菜远我俾咗个特写，睇吓下面你就知。
正宗粤菜其中有得玩就系甘笋片做靓花花，即系将条甘笋雕完花再切片，唔系心机同刀工系啲乜嘢呢啊？唔系求其一个菱形就算，呢个系粤菜其中嘅技术，好嘢呀！
另一个要赞嘅就系呢条菜心，佢系将条菜心打斜切，然后菜叶又会切咗一顶一部份，将条菜最嫩口嘅部份俾晒你食，呢条叫「菜远」，你明唔明白呢段时间啲菜几咁贵先得㗎，佢仲肯咁样做真系俾个叻佢先得呀！
接住落嚟出场嘅系…..粟米班腩！嗱咁呢个粟米班腩系有水准嘅，当然𠮶啲班腩肉够脆口，外面有沾到粟米汁又有蛋花，食落去有几种口感，鱼肉都唔太差，件事情先交到货呢！呢条系好合格嘅！
粟米班腩饭，望落去系咪好开心呢！咁我哋讲嘅饭😬😬😬
饭好简单软硬适中，有饭味，粒粒均匀，上枱嘅时候你望吓唔太多又唔太少，无话可说啦！
题外话，餐具用心选择，花纹图案唔花巧，几有气质！
环境光猛，舒适优雅，同够空间。
大家参考一下餐牌，有平有贵不同种类，大家可以有机会帮衬一下小店，支持一下有心有力嘅饮食业朋友们有生意做！希望呢间餐厅继续努力加油啊！
张贴
