日日香鵝肉飯店 (和富中心) (已結業)

近排接左个新 Job，所以间唔中就要过嚟北角开会。今日喺附近搞完 function，先去港铁特惠站拍卡，然后再约埋老公一齐开餐。本来想去 food court 揾食，点知喺地库转角位见到新开左间「日日香鹅肉饭店」。之前喺中环分店买过外卖，鹅肉水准唔错，肉质鲜嫩软腍，配上秘制卤水汁，鹅味更为突出。反正未试过堂食，一于坐低慢慢叹。饭店装潢简朴清雅，座位间隔宽敞，坐得十分舒服。点左个卤水双拼饭 ($80)、鹅掌翼 ($128)、菜远汤米 ($22)、热奶茶 (跟餐) 同 柚子蜜 ($18)。双拼饭可于鹅肉、鹅肾、鹅肠、墨鱼、红肠…..中任选两款，拣咗猪手同腩肉，猪手卤得相当入味，外皮爽弹，肉质软腍，咬下啖啖肉，非常滋味。腩肉食味亦一流，没过份油腻的感觉，具咬劲之余，又腍滑惹味。米饭软硬适中，配埋卤蛋，酸中带微辣的潮式咸酸菜、菜心等一起吃，口感很丰富。鹅掌翼包两掌一翼，鹅掌肥大、皮厚而软，味道鲜嫩有嚼劲；而鹅翼品质亦甚佳，骨肉相连，入口肉滑汁香，用来配柔韧富弹性的米粉吃，滋味无穷。套餐奉送咖啡或茶，奶茶热度十足，入口香浓幼滑；另外散点的柚子蜜，味道亦唔错，入口暖笠笠，健康得嚟又解腻。