影片
更多
2025-01-21
256 浏览
约咗朋友嚟将军澳食晏，心血来潮想食泰菜，醒起东港城 2 楼呢间新开嘅「泰国婆」。餐厅装潢简约，环境舒适，座位阔落，加上以翠绿嘅盆栽作点缀，充满泰国风情！ 点咗两款午市精选：香叶肉碎饭配荷包蛋 ($78) 同 泰式干炒猪肉片河粉 ($78)。肉碎肥瘦适中，辣度啱啱好；煎蛋流心，加上微微㶶边，送饭一流！河粉炒得好有镬气，条条分明，入口热辣辣，肉片嫩滑多汁，再配埋啲芥兰、粟米仔同红萝卜等，多重口感，够晒惹味。 另外仲可以用优惠价加配小食同饮品，点咗鸡肉串烧 ($12@)、冻泰式奶茶 (+$10) 同 热柚子蜜 (+$8)。鸡肉柔软湿润，沙嗲酱唔辣，食落好香花生味。奶茶滑溜幽香，而柚子蜜亦甜度适中，滋润解渴。加点咗半只海南鸡 ($118) 鸡皮油润肥美，带油脂甘香，鸡肉亦有浓郁鸡味，口感嫩滑不韧，加上已经全部去晒骨，食落超爽。甜品点咗客泰式芒果蛋卷 ($45/2件) 做法非常特别，用上烟韧嘅斑兰薄片卷住甜美嘅芒果肉，再配上香浓椰浆，提升滋味。
约咗朋友嚟将军澳食晏，心血来潮想食泰菜，醒起东港城 2 楼呢间新开嘅「泰国婆」。
餐厅装潢简约，环境舒适，座位阔落，加上以翠绿嘅盆栽作点缀，充满泰国风情！ 
点咗两款午市精选：香叶肉碎饭配荷包蛋 ($78) 同 泰式干炒猪肉片河粉 ($78)。肉碎肥瘦适中，辣度啱啱好；煎蛋流心，加上微微㶶边，送饭一流！
河粉炒得好有镬气，条条分明，入口热辣辣，肉片嫩滑多汁，再配埋啲芥兰、粟米仔同红萝卜等，多重口感，够晒惹味。 
另外仲可以用优惠价加配小食同饮品，点咗鸡肉串烧 ($12@)、冻泰式奶茶 (+$10) 同 热柚子蜜 (+$8)。鸡肉柔软湿润，沙嗲酱唔辣，食落好香花生味。
奶茶滑溜幽香，而柚子蜜亦甜度适中，滋润解渴。
加点咗半只海南鸡 ($118) 鸡皮油润肥美，带油脂甘香，鸡肉亦有浓郁鸡味，口感嫩滑不韧，加上已经全部去晒骨，食落超爽。
甜品点咗客泰式芒果蛋卷 ($45/2件) 做法非常特别，用上烟韧嘅斑兰薄片卷住甜美嘅芒果肉，再配上香浓椰浆，提升滋味。
张贴
