船皇 (謝斐道) (已結業)

「船皇」系泰国过江龙我相信好多人都知。如果啲质素唔好嘅话就唔会喺泰国🇹🇭拥有近50间分店啦。睇睇餐牌后页简介先知道原来「船皇」喺30几年前系由一架手推车档起家嘅。香港船皇提供嘅面食及小食制法跟足泰国𠮶边，所有材料及食材都系由泰国运到香港，咁就可以保证原汁原味啦。▫️船皇汤面 (HKD58) - 店铺招牌面点都要试吓。面类拣咗河粉，可自选辣度🌶️碗面嘅食材有齐牛鸡及猪😋牛肉片、牛腩、牛肉丸、鸡丝、鸡翼、猪肉、猪肉丸、猪润，好足料㗎。船面汤底用牛骨同埋多种香料熬煮超过10小时。味道浓郁又够惹味👍🏻▫️炸鸡脾捞面 (HKD52) - 呢个系店家新出品嘅船面，因为𠮶只巨鸡脾而好受食客欢迎。炸鸡脾肉嫩亦都好多汁😋呢碗面制作需时，因为只鸡脾系即叫即炸㗎。▫️泰仔冻奶茶 (HKD21) -呢度嘅奶茶系用一个碗装住要用饮管饮😆😆▫️炸猪皮 (HKD15) - 虽然本身系冇味道嘅，但只要将猪皮浸一浸落船面汤底后先食就好够味㗎啦。泰式车仔面亦都好吸引，下次要试吓先😆