Mana Thai Kitchen (已結業)

今日喺湾仔做完野，约朋友食晚饭，佢话有间泰国菜都唔错，所以就决定去试吓，佢地个门口装修得好有泰式风情，以植物做主题。入到去座位都好阔落，唔会迫，坐得好舒服。泰式无骨凤爪沙律，个沙律酸度适中，唔会太酸，食落好开胃，而d凤爪系无骨，所以食落都好方便，虽然系小食，但份量都唔少。泰式烤猪颈肉，烧到有焦焦香香嘅感觉，但又唔会烧到好干而冇晒水份，d肉仲好juicy，点埋佢嘅秘制酱汁，少少辣辣地，好惹味。泰式炒芥兰，d菜炒得好爽口，唔会过淋，而且佢嘅味道都唔错。蟹肉炒饭，d饭炒得唔太湿，好干爽，好香蛋味，仲有好多蟹肉，几好味。泰式奶茶，劲香浓嘅茶味，d奶都好香滑，唔太甜啱啱好。青柠梳打，d青柠够酸，饮落好醒神又解渴。