金柚泰國菜

营业中

休息中

大角咀都唔少泰国菜，有日经过见呢间最多人，就觉得要揾日试下。海鲜椰汁炒饭 $69唔算好大碟，大约 2 - 3 碗。饭底加咗加萝卜粒，粟米粒，提子干、青豆，至于海鲜就有青口、蟹柳同鱿鱼。食落口系淡淡香嘅椰子味，一 d 都唔油。蒜蓉炒通菜 $58热辣辣上枱，好有镬气。用咗蒜蓉同辣椒嚟炒，好惹味。咸蛋炒鲜鱿 $98个人好钟意食咸蛋炒嘅𩠌。呢碟又系热辣辣上枱，咸香的咸蛋黄酱配埋爽脆弹牙的鱿鱼，一流。佢d鱿鱼唔系橡胶咁，唔会咬到牙软。食埋喺碟多咗嘅咸蛋粒，即刻试到埋佢嘅香口同咸脆！最后埋单，侍应仲送咗碟椰汁糕，唔太甜，味道清清的，唔错。