Thai Hungry (已結業)

濑濑屎烧卖($20 6粒）唔好依为系普通酒楼嘅猪肉烧卖，入面系包住腌制过嘅猪肉混合埋粉丝，好重香料食落好特别，同普通嘅猪肉烧卖唔同。鬼汁（$50）有啲似食紧有汤嘅猪肠粉，汤底好特别有少少药材味，喜欢肉骨茶嘅朋友仔，不妨试试，而当中嘅料都好丰，有猪肚、猪红、猪肉、仲有两只鹌鹑蛋，份量足够。另外仲拣咗几串串烧（$80 5串）有脆皮烧腩串、鸡全翼、猪肉丸串，全部都烧得外焦内嫩。其中个人特别推介嘅就系猪肉丸串，好特别，因为猪肉混埋粉丝搅成肉丸，用肠皮包裹住，烧完之后、咬落肠皮弹牙，肉质结实，回味无穷串烧同沙嗲酱永远系绝配，串烧沾上小店提供的沙嗲酱充满香浓花生味，味道层次更丰富。