同心泰國菜館 (已結業)

九龙城真系有好多泰国餐厅，唔知拣边间既情况之下，今次就去同心试一试！睇左阵MENU就叫左一个泰式鸭河同埋一个海南鸡饭，另外加多两杯青柠梳打。好快就得食,首先系个泰式鸭河,汤底好深色，而且真系好浓味,仲有少少辣，好特别既汤底,出面食唔到。另外佢个鸭肉，好好食,仲要无骨,都应该算系新鲜，肉质而且够哂嫩滑,之后就系一个海南鸡饭,份量十足，不过鸡肉就唔够肥，油饭就做得好好，唔太多油,适中！酱汁就控制得好好，系依个饭既灵魂。如果你钟意酸，最后依杯青柠梳打就一定要叫，因为佢好香青柠味，非常清新又解渴,食完依D野饮岩哂。唔错既一餐。