阿叔泰麵 (西菁街) (已結業)

慕名而来一尝阿叔泰面，位处元朗市中心外围位置都有唔少人等位，就知佢系一间有实力嘅店，今日一试果真高质，师傅用心制作，成碗面明显系要花大量心机及尝试方可到此水准，重每碗卖不到60蚊，真心系良心餐厅呢。门面好有地中海feel木门面，圆形招牌好好认。猪肉船面 ($55) - 猪肉丸结实得嚟又弹牙，猪肉味浓无猪酥味，甜口嘅，面头炸猪皮新鲜炸起酥脆得嚟唔死硬，浸汤后淋身吸汤同吃滋味倍增，猪肉片厚薄适中，一啲都唔靭重好挂汤添，配嘅金边粉就湿润咗啲，少咗烟靭，少少失色，汤头不得了，系正宗泰式船面果种咸香味而带甜嘅味道，汤底与𩠌菜好夹，特别系炸猪皮，好味。牛肉船面($58) - 牛丸结实得嚟又弹牙，牛肉味浓，面头炸猪皮新鲜炸起酥脆得唔死硬同样浸汤后淋身吸汤同吃滋味倍增，牛腩好淋同入味，牛腩肉好甜，肥瘦适中，配河粉夹依个汤头简直系绝配，烟靭大片挂汤连芽菜、通菜、花生碎同吃绝品。但又讲真如果你系食开或钟意啲清淡食物嘅话，阿叔泰面就未必会咁啱你喇，佢个汤头系好浓味，好浓郁嘅。