阿叔泰麵 (積信街) (已結業)

細個係呢頭返學，大圍村變化不大，附近食肆愈開愈多，位於大圍積信街嘅《阿叔泰麵》 可以食到地道泰北船麵，仲有特色飲品。冬蔭功湯~湯底味道香濃，酸酸辣辣好惹味，材料有蝦、魷魚、草菇等等。阿叔船麵豬肉~招牌菜船麵，我哋揀咗豬，材料豐富，炸豬皮、豬肉丸、豬柳等，船麵掛滿香甜湯汁，越食越滋味，泰式春雞半隻~店員推介泰式燒春雞，果然冇介紹錯，醃製味道啱啱好，夠香口，$88抵食價。香茅菠蘿特飲~點咗個泰式特飲，香茅獨特的味道再加入菠蘿清新嘅香味，好特別。玫瑰荔枝特飲~玫瑰荔枝一向都係我喜愛嘅，天氣炎熱，冰涼可口，正！