六合小廚 (已結業)

在附近行街買嘢，想醫埋肚才返屋企，整棟大廈比較舊，以食肆為主，大廈入口前有人派傳單推廣，好似幾正宗，便同推廣人員上去。裝修比較傳統，但都乾淨企理，時間尚早人客唔算好多，坐得比較舒服又唔會嘈。菜式都係大路傳統港式為主，但都有好多辣菜可以揀，因為我哋唔係好食得辣所以最後都係點左傳統港式菜。清湯蘿蔔牛腩煲湯底清甜，湯面冇乜油，牛腩牛筋腩為主，蚊得好琳好入味，份量都幾大，而呢個價錢都算幾抵。豆腐火腩煲味道調校得好好，一般火南部都係偏鹹，一定要配白飯空口食唔到，但佢哋嘅未到調校得鹹淡適中，空口食同加飯食都唔錯，半肥瘦燒肉果皮仍然係脆嘅，冬菇又好淋好大粒。招牌闊老炒飯份量超大，基本上三個人食都夠，有幾隻大型嘅蝦，好新鮮又鮮甜而啲肉好結實彈牙，飯底炒得乾身，碟底見到唔係好多油，所以食落都唔會太肥膩。