駟馬拖車潮州飯店 (東九匯)

营业中

休息中

今日姨妈来探我，佢系一个正宗的潮州人，今日带佢去食潮州菜，呢到地方宽敞，装修新颖，店员招呼周到，受到热情的款待。下次一定再介绍朋友嚟！1.卤水鹅肉卤水鹅大大碟，卤得好入味～ 鹅肉扎实、甘香，充满鹅油香。底下有不少豆腐，豆腐好滑，外层都沾满卤汁，非常美味。2.椒盐九肚鱼九肚鱼即叫即炸，香喷喷，外皮薄薄一层，脆卜卜，内里九肚鱼鱼肉滑。表面有椒盐作调味，好惹味。3.红烧乳鸽(只)乳鸽都系即刻烧起㗎，外皮脆脆地，内里好juicy，肉质嫩滑，好有咸香。4.潮式炸双枣（虾枣及蟹枣)依款小食好特别，姨妈都话正宗。两款炸后外皮酥脆，虾肉/ 蟹肉粒配上爽脆马蹄同芹菜粒，令口感丰富非常，而且好香口美味。5.金腿筋扒津我地再叫左个蔬菜，娃娃菜吸满金华火腿汤嘅汤汁，好鲜甜。另外仲有粉丝，虾米等材料。6.蚝仔粥蚝仔粥粥底好绵密、味道鲜甜。蚝仔粒粒都涨卜卜，好新鲜。