潮龍園

营业中

休息中

搭巴士返屋企，喺元朗大马路落车，谂住去街市买少少嘢返屋企煮，不过行过潮龙园，俾佢啲鱼蛋吸引住。入到去，老婆叫咗碗云吞河，我就叫鱼蛋河，佢话每日新鲜制造，食落好弹牙，又有鱼味，唔似机做出嚟。老婆碗云吞，虾唔系好大只，猪肉占大份，所以啱啲食肉兽。汤底唔错，你问我有冇落味精，我谂应该…….另外叫咗碟炸鱼皮，好脆又唔系好重味精，份量都唔少。碟腐乳通菜就麻麻哋，菜烚得太耐而腍哂，冇哂咬口，而腐乳又几咸，落番少少糖嚟调味吓会好啲。杯冻柠茶就正正常常，都算系中上嘅水平。