澳門仔火鍋串燒專門店 (已結業)

前几日，几个朋友又到旺角食饭，突然兴之所致，想食火锅！我们就来到这间专吃澳门火锅店！我们叫了主打的海鲜乳猪猪骨锅配胡椒汤！这个超丰富的锅，不是我过往食过那些得几条猪骨，这锅有很多呢！今镬劲补骨胶原了！除此之外，仲有好多海鲜，虾、蟹蚬当然就唔走得，虾的size唔细，而蟹都好有肉地，啖啖肉，得！最得意就系有乳猪，未试过咁样食乳猪，有点像火腩配乜乜咁，但又比较滋味/野味，好得意的口味。当中仲有好多蔬菜，所以如果不太食菜的人，可以不需另外叫菜。所以我们只另叫了牛柏叶、肥牛、响铃。不过个手打墨鱼滑就要提一提，打得好鬼弹牙，中间还夹杂著一粒粒的墨鱼粒，口感丰富、有趣！望下望下餐牌，心思思又叫埋个炭烧猪仔包，虽然之后好饱，又叫要减肥，但真系无后悔叫咗佢，个包当然要脆口，但唔'吉'口，洋葱炒得好香刚刚好（本人喜欢食不是熟透，仍带爽口的洋葱，但又不是生，因为生系带辛辣，而熟的系带甜），猪扒份量够（其实系大块），唔干，仍保持有肉汁。配上洋葱汁，真系好味！见系咁，我们就开始叫其他嘢：烧牛脷、烧香草羊架同烧菠萝！牛脷唔知点解，厚砌嘅都可以咁冧，而且唔同出面烧到干净净咁，而系juicy。羊架唔膻又唔韧（所以怕食