三清洞摩西 (已結業)

朋友讲左几次话想食呢间好耐，系韩国食过一次，觉得个年糕又真系炒得几香口，估唔到三清洞摩西已经登陆左香港，除左旺角外，最近铜锣湾都开多左间啦。 新店开系铜锣湾渣甸街的商业大厦一楼，好易走漏眼，留意入口隔离有间化妆品店，咁就包无揾错，呢啲野难唔到我呢个铜锣湾通呢。 7点上到去已经有几枱食客系度，呢度主打系食炒年糕所以每张枱上面都有个gas 炉，保证热辣辣。我地订左枱，所以被安排坐系卡位，正呀。 落单纸成张都图文并茂，有图有字，包无搞错。我同朋友两个都系擦得之人，差唔多成张落单纸都比我地剔满晒。 无几耐，我地个锅就上枱了，规定两个人要点两种口味，我地拣左海鲜同烤肉，另外再加个拉面、午餐肉、鸡蛋、紫菜卷、猪肉饺子、炸饺子。好多？仲未完，再加多个芝士炒饭，系咪好痴线？ 店员温馨提示我地可以先食面头的紫菜卷同饺子，然后再慢慢食其他野。紫菜卷、猪肉饺子同炸饺子呢三样都好好味，皮够薄所以咬落仲好香脆，最好味系紫菜卷，入面包住大量韩式粉丝，粉丝吸收左少少辣汤汁，好惹味，一人一件唔够㗋，如果唔系仲有咁多野食，我地会再叫多两客。 海鲜同烤肉年糕都好足料，海鲜够新鲜，爽口又弹牙； 食得出个烤牛肉系用左靓牛，