影片
更多
2018-06-30
151 浏览
好期待的一晚终于来啦! 上星期boss话意大利有设计师黎,所以会请佢食好野,叫我book 定好野,预埋我果份! Oh yeah, boss话budget不限,有大食大,boss万岁!上网做左一轮功课,决定去尖沙咀既"鮨真",因为designer钟意食日本菜,特别喜爱食sashimi,所以book左呢间专食omakase既高给日本餐厅!其实近年香港多左好多"鮨"店,专食鱼的餐厅!我都食过一两次,不过间间既卖点都唔同,所以好期待呢晚! 入到铺头后,餐厅已经reserve左厨师位前嘅bar代比我地,可以望住厨师整野!Boss话呢今晚比我任拣,我就点左个"菊set"!菊set -主要有 前菜 + 刺身7款 + 寿司5款 + 汤 & 甜品! 前菜 - 番茄配生粟米! 初先见到个粟米好异惑:"点解系白色既?生的吗?" 厨师话: "无错,系生嘅,未食过呀呢?北海道黎架,夏天限定,试下!" 一咬落去真系好甜㖞,但个味好清,好爽口,又真系未食过㖞,唔错! 至于番茄呢,厨师话可以配盐食,个原理好似食西瓜加盐,会落会特别鲜甜! 又系几fresh㖞!食过前菜,胃口即刻大开! yeah...最期待嘅刺身7点开始
上网做左一轮功课,决定去尖沙咀既"鮨真",因为designer钟意食日本菜,特别喜爱食sashimi,所以book左呢间专食omakase既高给日本餐厅!
其实近年香港多左好多"鮨"店,专食鱼的餐厅!我都食过一两次,不过间间既卖点都唔同,所以好期待呢晚! 入到铺头后,餐厅已经reserve左厨师位前嘅bar代比我地,可以望住厨师整野!Boss话呢今晚比我任拣,我就点左个"菊set"!
菊set -主要有 前菜 + 刺身7款 + 寿司5款 + 汤 & 甜品!
前菜 - 番茄配生粟米! 初先见到个粟米好异惑:"点解系白色既?生的吗?" 厨师话: "无错,系生嘅,未食过呀呢?北海道黎架,夏天限定,试下!" 一咬落去真系好甜㖞,但个味好清,好爽口,又真系未食过㖞,唔错! 至于番茄呢,厨师话可以配盐食,个原理好似食西瓜加盐,会落会特别鲜甜! 又系几fresh㖞!
前菜:番茄+北海道生粟米
3 浏览
0 赞好
0 留言
食过前菜,胃口即刻大开! yeah...最期待嘅刺身7点开始啦
刺身1点 - 薄切左口鱼, 第一道就食师傅刀工,左口鱼真系切得非常薄,夹起一片放系碟上,几近透明,可以睇到好清晰嘅鱼纹,确实系"薄如蝉翼"! 最特别嘅个食法,厨师配左盐板,上面加左d柚子皮,可以夹左口鱼,夹少少葱,卷两三个圈黎食!
唔错㖞,左口鱼本身好弹牙,鱼味较淡,但用盐同柚子调味,即刻觉得好鲜味! 反而如果点豉油会盖过左鱼味!
左口鱼薄切(配柚子盐板)
11 浏览
0 赞好
0 留言
刺身2点 - 银鳕鱼厚切 , 第二款真系好surprise,银鳕鱼食得多,但多数都系烧黎食,生食真系未试过!银鳕鱼刺得好厚,雪包嘅鱼肉略带粉红,好靓! 咬落去既口感好丰满,鱼肉好嫩,接近入口即溶,同拖罗口感有得fight,正!
银鳕鱼厚切
8 浏览
0 赞好
0 留言
刺身3点 - 深海池鱼, 呢个真系omakase必食! 不过以往食过嘅深海池鱼都系细片,但呢度大大的一片,见到鱼身带粉红色,边位略带深红色,食落去好甘香,油脂分布好平均,肉质鲜嫩弹牙,好正,厨师开始整d浓味鱼"
深海池鱼
5 浏览
0 赞好
0 留言
刺身4点 - 金蝉鲷好野,鲷鱼万岁!omakase一定唔可以无嘅系鲷鱼,其实每间店都会有佢地嘅特式鲷鱼! 呢度嘅金蝉鲷,厨师话先用豉油搽满鱼皮,然后再火炙!上碟已经闻到好香嘅鱼皮香味,厨师话唔使点豉油食已经够味! 鱼身仲系好靓嘅粉红色,成件艺术品咁!
金蝉鲷
9 浏览
0 赞好
0 留言
刺身5点 - 鲣鱼刺身, 哇…好深红色嘅鱼身啊,一定系铁质好丰富! 厨师话鲣鱼刺身要配红色长葱,再点姜葱豉油食! 鲣鱼肉质较松软,但鱼皮特别香,鱼身甘香! 可能鱼味太浓,配姜葱豉油食就中和d, 唔错!
鲣鱼刺身
59 浏览
0 赞好
0 留言
刺身6点 - 粒贝螺肉, woo豪食螺肉啊!估唔到有咁多! 粒贝嘅肉质好弹牙,好有嚼头! 不过初先食第一啖有d苦,但越食越甘甜㖞,几得意㖞!
粒贝螺肉刺身
13 浏览
0 赞好
0 留言
刺身7点 - 拖罗!!! The best当然系放到最后既! 刺身又点可以无拖罗呢?拖罗食过,但无试过咁大片,仲要厚切添! 好好味啊, 大拖系宁舍唔同,和牛一般嘅粉红色,入口即溶,甘甜鲜味,刺身7点果然系高潮所在!
拖罗 (大拖)
9 浏览
0 赞好
0 留言
食过好正既刺身7点后,接住落来就系到寿司5点! 正,又有唔同既鱼食!
寿司1点 - 油甘鱼寿司, 好肥美,见到鱼生面已经点左豉油,所以师傅话就咁食就ok! 油甘鱼肉质比较弹牙,咬落好有鱼味!
油甘鱼寿司
15 浏览
0 赞好
0 留言
不过除左鱼,不得不讲寿司旧饭先系最特别! 点解?见到师傅握寿司饭既手势,系出面未见过嘅,八挂之下问师傅,原来呢d就系传统手握寿司嘅方法,唔同师傅手势都唔同,有d握3下,有d5下,令到饭与饭之间有更多空气,食系上来更加有空感!
正,睇落简单一件寿司,就食到师傅10几呢嘅工架!
寿司2点 - 北寄贝寿司, 我初先仲以为系平时食果d红白色嘅北寄贝,但原来我太天真,呢个系新鲜嘅生北寄贝寿司!真系第一次试,原来系咁既色架㖞! 新鲜嘅北寄贝,肉质好爽,好弹牙,口感同平时食开嘅完全唔同!
北寄贝寿司
8 浏览
0 赞好
0 留言
寿司3点 - 三文鱼子军舰:见到即系大满足,d三文鱼子好似满到泻晒咁,粒粒都咁大粒,超开心! 三文鱼子有好浓既海水味,但有腌渍过,所以甜甜地,好鲜味啊!
三文鱼子军舰
4 浏览
0 赞好
0 留言
寿司4点 - 北海道海胆军舰,呢个真系寿司当中我最爱,北海道海胆系唔同d嘅,除左好甜之外,口感仲好creamy,齿甲流香! 食完个嘴仲系满满嘅海胆味,好满足!
北海道海胆军舰
6 浏览
0 赞好
0 留言
寿司5点 - 烧左口鱼边寿司,呢个都系第一次食,不过烧过既左口鱼边味度好浓,好香,给埋d香葱一齐食,阵味唔错! 而且鱼边烧完,肉仲好嫩,食落都几滑,唔错!
食完刺身同寿司之后,真系好饱好满足!呢个时候师傅比左碗热热嘅面豉汤比我! 食完生冷野,再饮热汤,个人feel到好舒畅!之后再食埋个朱古力味雪糕做甜品,黎结束呢餐咁丰盛嘅omakase,真系非常回味!
张贴
