重慶洪鼎火鍋 (已結業)

岩岩去完重庆旅行，对当地既麻辣火锅念念不忘，上open rice 揾到呢间新开无耐既重庆洪鼎火锅即刻book位同男朋友去试下！到门口即刻令我谂起重庆的旅游景点洪崖洞！仲见到个好重要嘅讯息-「8:30前离座9:00 后入座，七折优惠」真系好抵！等紧配料同汤底嘅时候，餐厅好贴心咁准备咗一啲特色小食俾我哋...我地叫左个正宗洪崖洞麻辣锅汤底另外配送韭菜、鸭血、大豆芽！有个汤底忍唔住饮咗一啖汤，哗！麻而香！好正！盛肉拼盘A分别有两种牛肉、一种羊肉同一种猪肉，牛肉方面，个人认为牛小排有非常香浓嘅牛味！完全唔会比浓郁嘅汤底盖过咗！另外叫咗个迷你海鲜拼盘！超级抵食！$278有一条石蚌鱼刺身，仲有海虾、贵妃蚌、鲍鱼。单单条鱼都已经值回票价！石蚌鱼刺身清甜而且有口感！贵妃蚌同鲍鱼都好新鲜好大只！蟹子墨鱼滑都好真材实料，墨鱼滑爽口弹牙！平时出去食鸡子d鸡子都非常大粒，因为有好多餐厅为咗减低成本会用火鸡鸡子，但呢间嘅鸡子令我非常惊喜！细细粒够晒嫩口！食麻辣火锅一定要叫鸭血、牛柏叶、鹅肠！鸭血慢慢咁索晒汤底嘅味道，而牛柏叶同鹅肠嘅挂汤能力超强！食唔到辣嘅建议叫鸳鸯锅，下次我都要试埋