石鍋堂

营业中

休息中

趁天气仲系阴阴寒, 今晚同丫妹又再encore石锅堂。系坊间食过好几间石锅, 但印象中唔系间间都可以做到石锅滚滚下上台。所以石锅堂亦系我地bookmark会encore嘅餐厅。餐厅楼面小, 座位有限亦唔算阔落, 要预时间等位啊!八款手打鸟冬选择, 配搭自选五款汤底, 总有一款啱口味另有石锅饭、冷乌冬、追加配料、蛋包饭、茶渍饭、小食等…最最最吸引嘅当然系呢度嘅石锅手打乌冬【安格斯牛肉石烧手打乌冬】HK$82汤底拣咗和风咖哩浓汤, 上台时汤底还是热得滚下滚下, 咖哩香甜微辣浓郁, 非常惹味; 乌冬好滑带少少口感, 新鲜嫩红嘅安格斯牛肉放面, 热辣辣汤底令牛肉滚至自己想食嘅熟度, 即时入口, 口感嫩滑。+$8 追加粟米粒放入汤底配搭同时入口, 增加层次, 多一份粟米清甜。【海鲜石烧手打乌冬】HK$86汤底拣咗鱼介豚肉浓汤, 充满鱼介咸鲜味, 海鲜包括有带子、两只原只海虾、蟹棒、日式鱼片、蚝, 虾爽口实肉, 带子大大粒, 所有海鲜吸了汤汁, 令每款海鲜够哂入味。