8鍋臭臭鍋 (金巴利道) (已結業)

天气一冻，唔知点解就会自动谂起火锅。话说大学时期曾经喺台湾住过一个冬天，而当年宿舍楼下有好几间臭臭锅变成左一班朋友晚饭既食堂，所以不期然就会想去食返当年既果种味道。好彩香港都有得食，前晚放工黎到都等左几张枱就到，我地两个人叫左台式麻辣同招牌臭臭锅。臭臭锅其实臭主要因为臭豆腐，所以接受到既就会好似我咁好钟意。不过今次我就叫左麻辣锅试试，入面劲足料，有见惯既猪大肠、丸、金菇、娃娃菜、牛肉（臭臭锅系猪肉）⋯不能尽录，仲有非常地道既泡面（王子面！），以前喺台湾食一定会叫（另外可加饭/粉丝），另外当然唔少得猪血、米血糕同台式鱼饺&冻豆腐，仲有估唔到会有沙白！成个锅都非常好食，而且呢个份量绝对物有所值！麻辣汤底好鲜，当然仲有麻辣既香味，唔会死辣，有返到台湾食既感觉，而且料都好新鲜，牛肉好爽滑，蔬菜类都好清甜，食完成个人暖笠笠！绝对会再黎食。