老厝邊

营业中

休息中

今日到佐敦开会，试下同事推荐嘅台湾餐厅。餐厅装修得几有台湾味道，好似返到台湾咁。古早味冬瓜茶，黎台湾餐厅，一定要试试冬瓜茶。冬瓜茶入口味道好香，同埋唔会好甜，好清爽。经典卤味拼盘，劲大一份，有猪耳，猪大肠，豆干，海带，卤蛋同埋酸菜。卤味酱香味十足，不过唔会好咸。猪大肠处理得好干净，入口好香猪肠味道。台式蒜片香肠，比咗大量蒜片同葱丝，一定系用咗台湾香肠，好重肉味同埋好香甜，搭配蒜片一齐食好惹味。眷村牛筋面，面分量好足够，大大件牛筋有3-4件，仲有萝卜同青菜。汤底饮得出系落足料煲制，汤底鲜甜牛骨味好重。牛筋文得好软嫩，入口软糯骨胶原满满。萝卜嗦晒汤底味道，食落更加鲜甜。